Bio

Katixa Agirre Miguélez

Gasteizen jaio nintzen, kostata, 1981eko urriaren 27an.

Liburu batzuk argitaratu dizkidate, helduentzat zein umeentzat, eta itzulpen bat ere burutu dut. Hemen dituzu guztiak. Zerrenda luzatuko den esperantza daukat.

Liburuez gain, uzten didaten txokoetan ere kolaboratzen dut: Deian astero, ARGIAn hiru astetan behin, Sautrelan, Berrian eta beste leku batzuetan noizean behin.

Deitzen didatenean, irakasle ordezkoa naiz Euskal Herriko Unibertsitateko Ikus-entzunezko Komunikazio eta Publizitate sailean, eta bertan, denetarik irakatsi dut: Ikus-entzunezko komunikazioaren teoriatik Merkatu Ikerkuntzara, Publizitatearen Historia barne.

Ni, inspirazioaren menpe

Lolitaren mitoaren inguruko tesia bukatu berri dut, Renoko (Nevada, AEB) unibertsitatean emandako bolada bati esker.

Irakurle Tarte bat gidatzen dut Santutxun, Bilbon, hilean behin. Liburu bat irakurri eta egilea gonbidatzen dugu haren inguruan berba egiteko. Zu ere gonbidatuta zaude.

Blogaria naiz 2004tik. Hau nire laugarren bloga da, Habitat ipuin-liburuaren aitzakiarekin inauguratuta.

Bilbo da azken urte hauetako nire habitat partikularra. Baina edozein egunetan Parisa egingo dut alde.

Nirekin kontaktuan jar zaitezke hemen klik eginez.